«Ես Աստծո գոյությանը չեմ հավատում»․ Հովիկ Աղազարյանը չի մասնակցելու Հովհաննավանքում կարգալույծ հռչակված քահանայի պատարագին

ԱԺ պատգամավոր Հովիկ Աղազարյանը հերքեց, որ «Քրիստոսին ճանաչել է Նիկոլ Փաշինյանի միջնորդությամբ», ինչպես ինքն էր ժամանակին ասում։

«Ես ասել եմ՝ երբ որ ծանոթացա Նիկոլ Փաշինյանի հետ, ես՝ անհավատացյալս, մտածեցի, որ Քրիստոսը գոյություն է ունեցել։ Հիմա էլ եմ մտածում, որ Քրիստոսը գոյություն է ունեցել, բայց չեմ հավատում Քրիստոսի հարությանը։ Ինձ համարում եմ քրիստոնյա, եթե ցանկացած 100 քրիստոնյա բերեք, շարեք իրար կողքի, ես կլինեմ էն հինգի մեջ, որ ամենալավն է պահպանում պոստուլատները, հավատարիմ է այդ սկզբունքներին։ Եվ ես Աստծո գոյությանը չեմ հավատում»։

Նա նաև նշեց, որ հավատում է «Փաշինյանի հարությանը»։

Հարցին, թե կիրակի օրը Հովհաննավանքում մասնակցելո՞ւ է կարգալույծ հռչակված քահանա Ստեփան Ասատրյանի մատուցած պատարագին, նա բացասական պատասխան տվեց․ «Ես պատարագի երբեք չեմ գնացել, չեմ էլ գնալու»։