Եվրոպայում սկսել են նախապատրաստվել Ուկրաինային հեռահար զենքի մատակարարմանը

Մեծ Բրիտանիայի վարչապետ Քիր Սթարմերը մտադիր է դիմել «աջակիցների կոալիցիայի» երկրների առաջնորդներին՝ Ուկրաինային հեռահար զենք փոխանցելու հարցը քննարկելու համար: Բացի այդ, նա նախատեսում է քննարկել ռուսական սառեցված ակտիվների հնարավոր առգրավումը, գրում Է Lenta-ն:

Ենթադրվում է, որ միավորման երկրների հանդիպումը կկայանա հոկտեմբերի 24-ին: Այն պետք է տեղի ունենա Լոնդոնում խառը ձևաչափով։ Սթարմերը զանգահարել է կոալիցիայի առաջնորդներին՝ կոչ անելով «ձմռան նախաշեմին Ուկրաինային ապահովել հնարավորինս ուժեղ դիրք»:

Ինչպես նշված է հաղորդագրության մեջ, վարչապետը մտադիր է քաղաքական գործիչներին կոչ անել միջոցներ ձեռնարկել համաշխարհային շուկայից ռուսական նավթն ու գազը վերացնելու համար: Նա նաև կառաջարկի ավարտել աշխատանքը ռուսական սուվերեն ակտիվների գծով, որպեսզի ֆինանսավորի Ուկրաինան և սկսի հեռահար զենքի մատակարարումը։