Ալեն Սիմոնյանը չի մասնակցելու Հովհաննավանքում կարգալույծ հռչակված քահանայի մատուցած պատարագին

ԱԺ նախագահ Ալեն Սիմոնյանը չի մասնակցելու կիրակի օրը Հովհաննավանքում կարգալույծ հռչակված քահանա Ստեփան Ասատրյանի մատուցած պատարագին․ «նման պլաններ չունի»։

«Նման պլաններ չունեմ։ Միշտ չի, չէ՞, որ որտեղ վարչապետը գնում ա, ես էլ եմ գնում։ Մենք իրար հետ չենք համաձայնեցնում՝ ով որ եկեղեցի է գնում։ Սա մի տարեք քաղաքական դաշտ, աջակցել–չաջակցելու հարց չկա»,– ասաց նա՝ նշելով․ «Հավատքը, քրիստոնեությունը որևէ մեկի մենաշնորհը չէ, ինչպես եկեղեցին որևէ մի քաղաքացու ու եղբոր, շրջապատող մարդկանց մենաշնորհը չէ»։

Սիմոնյանը նաև հիշեց «կարգալույծը կարող է կարգալույծ անել» արտահայտությունը․ «Մարդ ա, որը եկեղեցական ա, մեկն ասում ա՝ կարգալույծ ա, մյուսն ասում ա՝ չեմ ընդունում, որ ինձ կարգալույծը կարող է կարգալույծ անել, ասում ա՝ ուզում եմ աղոթել, ես էլ ասում եմ՝ ուզում եմ այդ աղոթքին ներկա գտնվեմ։ Ուզում եմ հասկանալ՝ էս ամեն ինչի մեջ ձեր ասած խմբակի և ինչ–որ կանոնների պայքարը ո՞րն ա։ Որտեղ կուզեմ, ում հետ կուզեմ՝ կաղոթեմ։ Իմ և Աստծո միջև խոսակցության մեջ պարտադիր չի, որ ինչ–որ մեկը լինի, վեղար հագնի, բիզնեսներ ունենա, տարբեր տեղեր կապեր ունենա»։