Ձերբակալվել է ՔՊ-ական Կարեն Սարուխանյանի կնոջ մայրը․ վերջինս աջակցել է ի պաշտպանություն Վարդան Ղուկասյանի ակցիաներին

Euromedia24-ի տեղեկություններով՝ օրերս ձերբակալվել է ՔՊ-ական պատգամավոր Կարեն Սարուխանյանի կնոջ մայրը։

Վերջինս Գյումրիի համայնքապետարանի կրթության բաժնի մասնագետ է, նա փաստացի մեղարդվում է ի պաշտպանություն կալանավորված Վարդան Ղուկասյանի ակցիաներին աջակցելու համար։

Բանն այն է, որ համայնքապետարանի կրթության բաժնի վերահսկողության ներքո են գտնվում բոլոր մանկապարտեզները։

Ըստ տեղեկությունների՝ Սարուխանյանի կնոջ մայրը ձերբակալվել է մանկապարտեզների աշատակիցներին ի պաշտպանություն կալանավորված համայնքապետ Վարդան Ղուկասյանի ակցիաներին մասնակցելու կոչի համար։

Ավելի վաղ Քննչական կոմիտեից հայտնել էին, որ ձերբակալվել են քաղաքապետարանի Կրթության բաժնի գլխավոր մասնագետի ժամանակավոր պաշտոնակատարներ Անահիտ Գասպարյանը, Բելլա Ավագյանը և առաջատար մասնագետի ժամանակավոր պաշտոնակատար Վարդուհի Փիլոյանը:

 ՀՀ քննչական կոմիտեի Շիրակի մարզային քննչական վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Գյումրու համայնքապետարանի պաշտոնատար անձինք մի շարք աշխատակիցների ցուցում են տվել, որպեսզի վերջիններս հրահանգավորեն իրենց ենթակայության ներքո գտնվող մանկապարտեզների տնօրեններին սաներին տուն ուղարկել և իրենց անձնակազմի հետ անմիջապես մեկնել համայնքապետարան՝ թույլ չտալու ձերբակալել համայնքի ղեկավարին:

Արդյունքում նման ցուցումից հետո բազմաթիվ մանկապարտեզների տնօրեններ, դադարեցնելով աշխատանքը, անձնակազմի հետ մասին ժամանել են համայնքապետարանի հարակից տարածք և միացել հավաքի մասնակիցներին:

Փաստորեն, ձերբակալվածների թվում է նաև Կարեն Սարուխանյանի կնոջ մայրը։

Տեղեկությունը Euromedia24-ի հետ զրույցում հաստատեց նաև Կարեն Սարուխանյանը՝ նշելով, որ կնոջ մայրն ունի մեղադրյալի կարգավիճակ, իսկ մեղադրանքն առնչվում է մանկապարտեզներին։