Գերմանիայում հազարավոր մարդիկ դուրս են եկել փողոց՝ Մերցի խոսքերի դեմ

Գերմանիայի Բիլեֆելդ քաղաքում ավելի քան չորս հազար մարդ մասնակցել է բողոքի ցույցի՝ ընդդեմ կանցլեր Ֆրիդրիխ Մերցի միգրացիոն քաղաքականության վերաբերյալ հայտարարությունների։ Ինչպես հաղորդում է Bild-ը, ցույցը կազմակերպվել է հոկտեմբերի 24-ի երեկոյան՝ «Բիլեֆելդյան դաշինք՝ ընդդեմ ծայրահեղ աջերի» նախաձեռնությամբ։

Ակցիայի կարգախոսն էր՝ «Մենք ենք քաղաքի դեմքը», ինչը դարձավ ուղիղ պատասխան Մերցի վերջին խոսքերին՝ կապված Գերմանիայի «քաղաքային տեսքի» և ներգաղթի ազդեցության թեմայի հետ։ Ցույցին մասնակցել է նաև Սոցիալ-դեմոկրատական կուսակցության փոխնախագահ Վիբկե Էսդարը։

Կազմակերպիչները հայտնել են, որ առաջիկա օրերին նման բողոքի ակցիաներ կշարունակվեն նաև Գերմանիայի մի շարք այլ քաղաքներում՝ արտահայտելու հասարակական դժգոհությունը կառավարության միգրացիոն դիրքորոշման նկատմամբ։