Մկրտչյանը Վաշինգտոնի Աստվածաշնչի թանգարանի տնօրենի հետ քննարկել է համագործակցության ուղղությունները

ԱՄՆ-ում ՀՀ դեսպան Նարեկ Մկրտչյանը Վաշինգտոնում այցելել է Աստվածաշնչի թանգարան։ Այս մասին տեղեկացնում են դեսպանի Ֆեյսբուքի էջում։

«Վաշինգտոնի հրաշալի վայրերից մեկը՝ Աստվածաշնչի թանգարանը։ Գլխավոր տնօրեն դոկտոր Կառլոս Կամպոյի հետ քննարկել ենք համագործակցության հնարավոր ուղղությունները, այդ թվում՝ հնարավոր համատեղ ցուցահանդեսի կազմակերպման հարցերը։

Հանդիպմանը ներկա էր նաև Ջորջթաունի համալսարանի պրոֆեսոր, իմ լավ բարեկամ Մարկ Վլասիկը»,- գրել է դեսպանը՝ կից հրապարակելով լուսանկարներ: