Սպերցյանը` «Ռուբինի» հետ խաղի լավագույն ֆուտբոլիստ

​«Կրասնոդարի» կիսապաշտպան և ավագ Էդուարդ Սպերցյանը ճանաչվել է ՌՊԼ-ի 13-րդ տուրի Կազանի «Ռուբինի» դեմ հանդիպման լավագույն խաղացող:

​Կրասնոդարում կայացած հանդիպումն ավարտվել է տանտերերի օգտին՝ 1:0 հաշվով։ Միակ գոլը 13-րդ րոպեին խփել է Վիկտոր Սան։ Սպերցյանն մասնակցել է ամբողջ խաղին։

​Խաղից հետո «Матч ТВ»-ի եթերում Սպերցյանը նշել է, որ իր թիմին մի փոքր չի հերիքել իրացման առումով. «Շատ դժվար խաղ էր։ Առաջին խաղակեսը երկրորդից լավն էր, շատ պահեր ստեղծեցինք։ Մի փոքր չհերիքեց իրացումը, որոշ դրվագներում՝ վերջին փոխանցումը։ «Ռուբինը» շատ լավ թիմ է, որի դեմ դժվար է խաղալը»:

​«Ցուլերը» 29 միավորով զբաղեցնում են առաջին տեղը ՌՊԼ-ի մրցաշարային աղյուսակում։ Մուրադ Մուսաևի թիմը հաջորդ տուրում արտագնա խաղ կանցկացնի Մոսկվայի «Սպարտակի» դեմ։

​Սպերցյանի խոսքով՝ հաղթելուց առաջ էական չէ, թե որ թիմի դեմ է լինելու հաջորդ խաղը. «Մեզ համար բոլոր խաղերը նույնն են, դուրս ենք գալիս հաղթելու մտքով, ամեն խաղ մեզ համար եզրափակիչի պես է։ Այո՛, շատ դժվար է, պետք է շատ բաների վրա աշխատել»։

​Նշենք, որ «Խաղի լավագույն խաղացող» մրցանակը շնորհվում է առաջնության յուրաքանչյուր հանդիպումից հետո, իսկ դափնեկիրները համատեղ ընտրվում են լիգայի և «Матч Премьер» հեռուստաալիքի կողմից։

armsport.am