2026 թ-ին ամենամեծ նվազումը՝ 101 միլիարդ դրամ, պաշտպանության նախարարությունում է լինելու. Վահե Հովհաննսյան

2026 թ-ի բյուջեի քննարկման ընթացքում ֆինանսների նակարար Վահե Հովհաննսյանը ներկայացրեց, թե ինչպես են փոփոխվել տարբեր գերատեսչությունների ծախսերը։ 

«Ամենամեծ աճն ունենք աշխատանքի և սոցիալական հարցերին նախարարությունում, որը կազմում է 87 միլիարդ դրամ, այնուհետև ԿԳՄՍ նախարարությունում՝ 57 միլիարդ դրամ, Առողջապահության նախարարությունում՝ 44 միլիարդ դրամ, Ֆինանսների նախարարությունում՝ գրեթե 42 միլիարդ դրամ, տարածքային կառավարման նախարարությունում՝ 36 միլիարդ դրամ և Պետական եկամուտների կոմիտեում ՝ 23 միլիարդ դրամ, 101 միլիարդ դրամի նվազում ունենք Պաշտպանության նախարարությունում, 10 միլիարդ դրամ՝  Բարձր տեխնոլոգիական արդյունաբերության նախարարության ուղղություններով»։