Հայաստանի ու Ադրբեջանի միջև կան հարցեր, որոնք դեռ լուծված չեն. Արարատ Միրզոյան

Հայաստանի ու Ադրբեջանի միջև կան հարցեր, որոնք դեռ լուծված չեն, ԱԺ-ում այս մասին հայտարարել է ՀՀ արտաքին գործերի նախարար Արարատ Միրզոյանը։

«Այստեղ պետք է նշեմ Բաքվում պահվող պատանդառված անձանց, գերիների ազատ արձակման հարցը,  անհետ կորած համարվող անձանց ճակատագրի պարզաբանումը, և այլն»,- նշեց նա։

Միրզոյանի խոսքով՝ մեծ խոչընդոտ ու բարդ հարց է երկու հասարակություններում միմյանց նկատմամբ անվստահության  դրսևորումները։

«Բայց մենք, հավատալով Հայաստանի շուրջ խաղաղ, համագործակցային մթնոլորտի ձևավորմանը, քայլ առ քայլ հետամուտ ենք լինելու բոլոր հարցերի լուծմանը»,- ընդգծեց Միրզոյանը։