Թրամփը հայտնել է Չինաստան կատարելիք իր այցի ժամկետները

ԱՄՆ նախագահ Դոնալդ Թրամփը, Air Force One ինքնաթիռով Ճապոնիա մեկնելիս, հայտարարել է, որ 2026 թվականի սկզբին պատրաստվում է մեկնել Չինաստան: Այս մասին տեղեկանում ենք Սպիտակ տան կայքից։

«Ըստ էության, կա համաձայնություն, որ ես մեկնեմ Չինաստան 2026 թվականի սկզբին: Նախագահ Սի Ծինփինը կարող է այցելել Վաշինգտոն կամ Պալմ Բիչ, Ֆլորիդա, կամ որևէ այլ վայր դրանից որոշ ժամանակ անց», - ասել է նա։

Հոկտեմբերի 25-ին Թրամփը հայտարարեց Չինաստանի առաջնորդի հետ հաջորդ շաբաթ Չինաստանի կողմից ռուսական նավթի գնումների կրճատման հարցը քննարկելու իր մտադրության մասին: Ավելին, ըստ Սպիտակ տան, հանդիպմանը կբարձրացվի Ուկրաինայի հարցի կարգավորման հարցը։

Հոկտեմբերի 26-ին, Չինաստանի նախագահ Սի Ծինփինի հետ բանակցություններից առաջ, Թրամփը լավատեսություն հայտնեց երկու երկրների միջև բարենպաստ համաձայնագրի հասնելու հարցում։