Հայաստանն ու ԱՄՆ-ն ինտենսիվ շփման մեջ են. ԱԳՆ
Քաղաքական
Հայաստան ու ԱՄՆ-ն ինտենսիվ շփման մեջ են «Թրամփի ուղու» կենսագործման համար անհրաժեշտ ընկերության հիմնադրման տեխնիկական մանրամասները հստակեցնելու ուղղությամբ:
Այս մասին ասաց ՀՀ արտաքին գործերի նախարար Արարատ Միրզոյանն ԱԺ մշտական հանձնաժողովների համատեղ նիստում «ՀՀ 2026 թվականի պետական բյուջեի մասին» օրենքի նախագծի քննարկման շրջանակում իր զեկույցում:
«Օգոստոսի 8-ից գրեթե անմիջապես հետո մեկնարկել են և հիմա էլ շատ ինտենսիվ ընթացքի մեջ են Հայաստանի և Միացյալ Նահանգների շփումները, բանակցությունները՝ «Թրամփի ուղու» կենսագործման համար անհրաժեշտ ընկերության հիմնադրման տեխնիկական մանրամասների ուղղությամբ: Հետո արդեն գետնի վրա զանազան տեխնիկական լուծումների հարց կառաջանա»,-ասաց Միրզոյանը:
Նա նաև նշեց, որ Իրանի Իսլամական Հանրապետության հետ Հայաստանն ունի փայլուն հարաբերություններ։
«Իրանի Իսլամական Հանրապետության հետ մենք ունենք փայլուն հարաբերություններ։ Մենք գրեթե ամենօրյա կոնտակտի մեջ ենք։ Այն շահարկումները, թե իբր Իրանի Իսլամական Հանրապետությունը դժգոհ է կամ պատրաստվում է բուռն դժգոհություն արտահայտել ենթակառուցվածքների ապաշրջափակման հարցում, չեն համապատասխանում իրականությանը»,-ասաց Միրզոյանը։
Նախարարը նշեց, որ հարաբերությունները ռազմավարական բնույթի են և դա շուտով կարտացոլվի համապատասխան փաստաթղթով։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
