Ադրբեջանի պայմանները չենք ընդունում․ Միրզոյան

Արտաքին գործերի նախարար Արարատ Միրզոյանը ԱԺ–ում  լրագրողների հետ զրույցում խոսել է խաղաղության համաձայնագրի ստորագրման վերաբերյալ Բաքվի պայմանների մասին՝ նշելով, որ դրանք անընդունելի են Հայաստանի համար։

«Գաղտնիք չէ ադրբեջանական կողմի մեկնաբանությունը և պայմանը սրա հետ կապված, մենք այդ պայմանը չենք ընդունում: Իրենք հայտնում են այդ մասին և՛ հրապարակային, և՛ հանդիպումների ընթացքում: Մենք դա որպես քննարկելի օրակարգ չենք համարում և այդ պայմանները չենք ընդունում»,-նշել է նախարարը։

Միրզոյանը նաև նշել է, որ պայմանագրի ստորագրման հետ կապված չկա ֆիքսված ամիս, ամսաթիվ և տեղ: