Երբ տառապում ես որպես քրիստոնյա՝ ճշմարտության ու Քրիստոսի անվան համար, մի՛ ամաչիր․ Հայր Շնորհք

Հայր Շնորհք Պալոյանը «Նեղություններ ու տառապանքներ՝ հանուն Քրիստոսի» վերանգրով գրառում է կատարել, որում ասված է․

««Սիրելինե՛ր, տարօրինակ մի՛ համարէք այն այրող նեղութիւնը, որ ձեզ փորձելու համար է, որպէս թէ մի տարօրինակ բան պատահած լինէր ձեզ։ Այլ, որպէս Քրիստոսի չարչարանքներին մասնակիցներ, ուրա՛խ եղէք, որպէսզի նրա փառքի յայտնութեան ժամանակ էլ ցնծաք եւ ուրախանաք» (Ա. Պետր. 4:12-13):

Ցանկացած տառապանքի և նեղության մեջ կա մաքրարար իմաստ ու զորություն: Նույնիսկ որքան էլ իրենց խորքի մեջ ակամա լինեն անձգությունները, միևնույնն է դրանք մաքրելու նպատակ ու խորհուրդ ունեն: Սակայն, կարևոր են որպեսզի այդ նեղություններն ու տառապանքները Քրիստոսով՝ հանուն Քրիստոսի լինեն: Եվ երբ տառապում ես որպես քրիստոնյա՝ ճշմարտության ու Քրիստոսի անվան համար, մի՛ ամաչիր, այլ փառավորի՛ր Աստծուն այդ անունով (Ա Պետր. 4:16)՝ Իր անվան համար նեղություններ կրելու հրավերքին արժանանալու համար:

«Իսկ եթէ նախատուէք էլ Քրիստոսի անուան համար, երանելի՜ էք, քանի որ փառքի եւ զօրութեան անունը եւ Աստծու Հոգին է հանգչում ձեր վրայ» (Ա Պետր. 4:14)»: