Ցավում եմ, բայց Հակոբ Մովսեսը ոնց որ թե դարձավ շարքային ՔՊ-ական․ Գուրգեն Խանջյան

«Մտավորականի հետևում թաքնվել պետք չէ

Նա լրիվ ուրիշ կերպար ուներ՝ պոետ, բարեպաշտ, ազնիվ քրիստոնյա, բայց այս վերաբերմունքով փլուզեց։ Դաշնակցությունը ֆուտբոլային թիմ չէ, ահագին ավանդ ունի այս ազգի ու պետության կայացման մեջ

Շատ վատ է, երբ Հակոբ Մովսեսին եկեղեցու մասին հարց են տալիս, իսկ նա շրջանցում է, ասում է՝ պետությունն էլ է եկեղեցի։ Ի՞նչ է նշանակում պետությունն էլ է եկեղեցի, և ինչ-որ հրեշտակներ են նրան պահպանում, ինչ-որ էզոթերիկ բաներ։ Մի խոսքով ցավում եմ, բայց ոնց որ թե դարձավ շարքային ՔՊ-ական։

Հակոբն առաջարկում է «ադապտացվել»։ Ինքը հենց այդ բառն է օգտագործում, բայց այն նշանակում է հարմարվել, այսինքն՝ կոնֆորմիզմի քարոզ է անում։ Սա սկզբունք չունեցող ՔՊ-ականներին բնորոշ կեցվածք է։ Եվ դա վերաբերում է ոչ միայն Դաշնակցությանը, այլև բոլոր սկզբունքային մտավորականներին։ Պիտի հասկանալ հետևյալը՝ առաջարկվում է հարմարվել քամուն՝ որ կողմից փչի, ով որտեղից սեղմի, այնպես էլ շարժվենք։ Եթե մտավորականը նման կեցվածք ունենա, էլ ուրիշներից ի՞նչ պահանջենք։

 

Թող այնտեղից դուրս գա և էդ դեպքում կարծիքը հայտնի բոլորին... երդում ա տվել, չէ՞։ Մտավորականի հետևում թաքնվել պետք չէ էս դեպքում։ Լավ թաքստոց չէ։

 

Ճիշտ մտավորական լինելու համար պետք է համարձակ լինես. Եթե դու էլ ճշմարտություններ ունես, քո հայրենասիրությունն ունես, երկրիդ մասին մտածում ես, հոգ ես տանում, չպիտի ընկնես մանր բաներից կամ վախենաս ինչ-որ մանր բաներից։ Եթե էսօր ազնիվ չլինենք, մենք մեզ հետ, էլ ի՞նչ մտավորական։