Պրեմիեր լիգան առաջին անգամ կհրապարակի մրցավարների և VAR-ի վիճահարույց որոշումների ամբողջական գնահատականները

Key Match Incidents Panel-ը, որը բաղկացած է հինգ անդամից՝ նախկին ֆուտբոլիստներից ու մարզիչներից, ինչպես նաև Պրեմիեր լիգայի և մրցավարական մարմնի ներկայացուցիչներից, յուրաքանչյուր շաբաթ ուսումնասիրում է գոլերի, 11-մետրանոցների, կարմիր քարտերի և այլ կարևոր դրվագների վերաբերյալ որոշումները։

Այսուհետ երկրպագուներին հասանելի կլինեն նաև հանձնաժողովի ամբողջական եզրակացությունները, իսկ առանձին դեպքերում կհրապարակվեն մրցավարի կամ VAR-ի անմիջական բացատրությունները՝ ներկայացնելով, թե ինչու է կայացվել տվյալ որոշումը կամ ինչու VAR-ը չի միջամտել։

Միաժամանակ Պրեմիեր լիգան կընդլայնի RefCam-ի կիրառումը։ Որոշ հանդիպումների ընթացքում կհեռարձակվի մրցավարի և ֆուտբոլիստների միջև տեղի ունեցած խոսակցության ձայնագրությունը։ Սակայն VAR-ի հետ մրցավարների զրույցները դեռևս չեն հրապարակվի, քանի որ դրա համար անհրաժեշտ է IFAB-ի թույլտվությունը։

Նախորդ մրցաշրջանում Key Match Incidents Panel-ը արձանագրել էր VAR-ի 25 սխալ որոշում՝ 2024/25 մրցաշրջանի 18-ի դիմաց։ 2023/24-ին այդ թիվը 31 էր, իսկ 2022/23-ին՝ 38։