Իրանը պաշտպանությունից անցնում է հարձակման․ փորձագետը գնահատել է ռազմական դոկտրինի փոփոխությունը

Իրանի՝ պաշտպանական ռազմական դոկտրինից հարձակողականի անցնելու որոշումը ցույց է տալիս, որ Թեհրանը պատրաստ է ԱՄՆ-ի և Իսրայելի հետ երկարատև դիմակայության։ Այս մասին «Լենտա.ռու»-ին հայտնել է քաղաքագետ Կոնստանտին Կալաչևը։

Ավելի վաղ Իրանի բանակի պաշտոնական ներկայացուցիչ Մոհամադ Աքրամինիան հայտարարել էր, որ երկրի նոր ռազմական դոկտրինը նախատեսելու է հակառակորդների դեմ կանխարգելիչ գործողություններ, ինչպես նաև ցանկացած ագրեսիայի անհապաղ և ավելի լայնածավալ պատասխան։

Կալաչևի գնահատմամբ՝ այս քայլով Թեհրանը փորձում է ԱՄՆ նախագահ Դոնալդ Թրամփին և Իսրայելի վարչապետ Բենիամին Նեթանյահուին ցույց տալ, որ պատրաստ է ոչ միայն պաշտպանվել, այլև անցնել հարձակողական գործողությունների։ Փորձագետի խոսքով՝ Իրանը դրանով նաև ազդակ է տալիս, որ հակամարտության կարգավորման դեպքում պետք է հաշվի առնվեն իր շահերն ու դիրքորոշումը։