Իրանում հայտարարել են, որ Սիրիկում հարսանիքը հարձակման է ենթարկվել ամերիկյան AGM-154C JSOW ավիառումբով

Իրանի Սիրիկ քաղաքում հարսանեկան արարողության ժամանակ պայթած զինամթերքի բեկորները ցույց են տալիս, որ հարվածի համար օգտագործվել է ամերիկյան AGM-154C JSOW ավիառումբ, հայտնում է Mehr-ը.

Իրանական կողմի գնահատմամբ, այս զինամթերքի կիրառումը վկայում է հարձակման թիրախային բնույթի մասին։ Իրանական տվյալներով, հարվածը հարսանեկան միջոցառման վրա հանգեցրել է հինգ մարդու մահվան և ևս 70-ի վիրավորմանը։ Տեղական մասնագետները հայտարարել են, որ հարվածի թիրախը հենց քաղաքացիական միջոցառումն էր, և որ հարձակումը կատարվել է միտումնավոր։

AGM-154C JSOW-ը պատկանում է ամերիկյան բարձր ճշգրտության խոցման միջոցների Joint Standoff Weapon ընտանիքին։ Ի տարբերություն թևավոր հրթիռների՝ այս զինամթերքը չունի սեփական շարժիչ․ ինքնաթիռից արձակվելուց հետո այն բացում է թևերը և սահասլաց կերպով շարժվում դեպի նշանակված թիրախը։

Այսպիսի կառուցվածքը թույլ է տալիս հարվածներ հասցնել արձակման կետից զգալի հեռավորության վրա։