Ռուսաստանում կարմիր խավիարի արտադրությունը գրեթե երեք անգամ նվազել է․ հայտնի է պատճառը

Ռուսաստանում 2026 թվականի ամռանը կարմիր խավիարի արտադրությունը գրեթե երեք անգամ նվազել է։ Շուկայի մասնակիցների գնահատմամբ՝ հիմնական պատճառը սաղմոնազգիների որսի անհաջող սեզոնն է, հայտնում է «Իզվեստիան»։

Մայիսի 20-ից սեպտեմբերի 7-ը ռուսական շուկա է մատակարարվել ընդամենը 2,6 հազար տոննա կարմիր խավիար՝ նախորդ տարվա նույն ժամանակահատվածի 7,66 հազար տոննայի դիմաց։ «Ռոսռիբոլովստվոն» ևս անկման գլխավոր պատճառ է համարում ձկան որսի ցածր ցուցանիշները։

Խաղաղօվկիանոսյան սաղմոնների որսն այս պահին գերազանցել է 92 հազար տոննան, մինչդեռ նախնական կանխատեսումը 227 հազար տոննա էր։ Սպասվում է, որ սեզոնի ավարտին ընդհանուր ցուցանիշը կկազմի ընդամենը 100–110 հազար տոննա։

Կամչատկայի իշխանությունները վատ արդյունքները կապում են նաև Համաշխարհային օվկիանոսի տաքացման և ձկների միգրացիոն ուղիների փոփոխության հետ։ Որսի ծավալների կրճատման ֆոնին ոլորտի ներկայացուցիչները զգուշացրել են, որ Ռուսաստանում կարող են թանկանալ ինչպես սաղմոնազգի ձկները, այնպես էլ կարմիր խավիարը։