Իրանը պատրաստ է իրականացնել կայծակնային հարձակողական գործողություններ. ԻՀՊԿ

Իսլամական հեղափոխության պահապանների կորպուսը պատրաստակամություն է հայտնել Իրանի ցանկացած հատվածում իրականացնել կայծակնային հարձակողական գործողություններ՝ հավանական սպառնալիքները չեզոքացնելու նպատակով: Այս մասին հայտնել է ԻՀՊԿ ստորաբաժանման հրամանատար Հասան Հասանզադեն: 

Նա ընդգծել է, որ բարձր պատրաստվածությունն ու հատուկ առաջադրանքներ կատարելու օպերատիվությունը ձևավորվել են պարբերական լայնամասշտաբ զորավարժությունների արդյունքում, որոնց ընթացքում զինծառայողները մշակել են նաև ուժերի ու միջոցների հրատապ տեղափոխումը: 

Միևնույն ժամանակ Հասանզադեն կոշտ քննադատության է ենթարկել ԱՄՆ նախագահ Դոնալդ Թրամփի և Իսրայելի վարչապետ Բենիամին Նեթանյահուի պնդումները, թե Իրանի պաշտպանական կարողությունները թուլացել են: Հրամանատարը հավելել է, որ թեև նրանք հայտարարում էին զինված ուժերի ոչնչացման մասին, այսօր այդ ուժերը նրանց դեմ կանգնած են առավել հզոր, քան երբևէ, իսկ Իրանի ռազմավարական հնարավորությունները թույլ են տալիս ամբողջությամբ վերահսկել տարածաշրջանային իրավիճակը: