Իրանը Ռուսաստանից առաջադեմ ռեակտիվ ԱԹՍ-ներ է խնդրել․ FT
Իրան
Իրանը Ռուսաստանից խնդրել է մատակարարել առաջադեմ ռեակտիվ «Գերան» անօդաչու թռչող սարքեր՝ ԱՄՆ-ի և Իսրայելի դեմ պատերազմում օգտագործելու համար։ Այս մասին գրում է Financial Times-ը՝ հղում անելով արևմտյան անվտանգության ծառայությունների ներկայացուցիչներին և Կրեմլին մոտ կանգնած աղբյուրին։
Աղբյուրները չեն հստակեցրել՝ արդյոք Մոսկվան համաձայնել է նման մատակարարումներ իրականացնել։
«Գերանը» իրանական Shahed անօդաչուների արդիականացված տարբերակն է, որոնց արտադրությունը Ռուսաստանը սկսել է 2023 թվականին։ Վերջին՝ «Գերան-5» մոդելը կարող է զարգացնել մինչև 600 կմ/ժ արագություն, կրել մինչև 90 կգ մարտագլխիկ և ունի շուրջ 1000 կմ թռիչքի հեռահարություն։
ԱԹՍ-ն նաև համալրված է ջերմատեսիլ տեսախցիկներով, արհեստական բանականության կիրառմամբ ուղղորդման համակարգերով և ռադիոէլեկտրոնային պայքարի միջոցներից պաշտպանությամբ։
Վերջին շաբաթներին Ռուսաստանը նման անօդաչուներ ակտիվորեն կիրառել է Ուկրաինայի դեմ։ Ուկրաինայի զինված ուժերի ներկայացուցիչ Յուրի Իգնատի գնահատմամբ՝ ուկրաինական ՀՕՊ-ը խոցում է ռուսական ռեակտիվ ԱԹՍ-ների շուրջ 60%-ը, մինչդեռ ավելի հին մոդելների դեպքում այդ ցուցանիշը կազմում է 90-95%։
Ավելի վաղ Financial Times-ը հայտնել էր նաև, որ Ռուսաստանը գաղտնի օգնում է Իրանին գերձայնային թևավոր հրթիռներ մշակելու հարցում։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
