Իլոն Մասկը հայտնվել է Գինեսի ռեկորդների գրքում՝ որպես պատմության մեջ ամենաշատ գումար կորցրած մարդ

Թվում է, թե սկանդալային Իլոն Մասկը հերթական անգամ գտել է պատմության մեջ իր հետքը թողնելու միջոցը։ Այս անգամ միլիարդատերը հայտնվել է Գինեսի ռեկորդների գրքում, բայց մի փոքր այլ նրբերանգով. գործարարը շատ կասկածելի ռեկորդ ունի։ Նա կորցրել է ավելի քան 180 միլիարդ դոլար՝ տեղը զիջելով աշխարհի ամենահարուստ մարդուն՝ Բեռնար Առնոյին, գրում են միջազգային ԶԼՄ-ները։

Նախկինում անձնական հարստության ամենամեծ կորստի համաշխարհային ռեկորդը պատկանում էր ներդրող Մասայոշի Սոնին մոտ 22 տարի։ Այնուամենայնիվ, նրա կորուստներն աննշան են Իլոնի համեմատությամբ, քանի որ Մասայոշին կորցրել է ընդամենը 58 միլիարդ դոլար:

Սակայն Մասկը դեռ կարող է «բարելավել» իր ռեկորդը Forbes-ի ցուցակում երկրորդ տեղը նույնպես զիջելով։ Ընկերության տվյալներով՝ 2023 թվականի հունվարի դրությամբ գործարարի կապիտալը կազմում է մոտ 138 միլիարդ դոլար։