Նեպալում երկու ավտոբուս սողանքի պատճառով գետն է ընկել․ 60 մարդ անհետ կորած է
Աշխարհ![Նեպալում երկու ավտոբուս սողանքի պատճառով գետն է ընկել․ 60 մարդ անհետ կորած է](/timthumb.php?src=disc/12-07-24/e8e34c7746a42d1015add14b24cecfe7.jpg&w=780)
Փրկարարները որոնում են ավելի քան 60 մարդու, որոնք գտնվում էին սողանքի պատճառով գետն ընկած երկու ավտոբոսներում։ Այս մասին հաղորդում է BBC-ն։
Միջադեպը տեղի է ունեցել հուլիսի 12-ին, տեղական ժամանակով գիշերը ժամը 03։30-ին մոտ, մայրաքաղաք Կատմանդուից 100 կմ հեռավորության վրա գտնվող Չիտվանի շրջանում։ Երեք մարդ ողջ է մնացել։ Իշխանությունները հայտնել են, որ սողանքի պատճառը եղել են հորդառատ անձրևները։
Ողջ մնացածներից մեկը BBC-ին հայտնել է, որ ավտոբուսը ճանապարհին էր մոտ մեկ ու կես ժամ, երբ մի քանի անգամ պտտվել է և ընկել գետը։ Նա և մյուս երկու ողջ մնացածները լողալով անցել են գետը, հասել մայրուղուն և կարողացել են ոստիկանություն զանգել մի վարորդի օգնությամբ։
Նեպալի վարչապետը պետական բոլոր վարչություններին կոչ է արել միանալ որոնողափրկարարական աշխատանքներին։
Մուսսոնային անձրևների սեզոնին, ըստ BBC-ի, բազմաթիվ մարդիկ են զոհվել, գլխավոր մայրուղիներն արգելափակվել են, իսկ մի շարք կամուրջներ փլուզվել են ափերից դուրս եկած գետերի պատճառով։
![](banners/armflix.jpg)