Հռոմեական արձակուրդը կարող է մղձավանջ դառնալ առաջիկա մի քանի օրվա ընթացքում Իտալիա այցելողների համար

Հռոմեական արձակուրդը կարող է մղձավանջ դառնալ առաջիկա մի քանի օրվա ընթացքում Իտալիա այցելող յուրաքանչյուրի համար: Սպասվում է, որ երկրի հայտնի ուղղությունները մեծ տոնին ընդառաջ կտեսնեն զբոսաշրջիկների այնպիսի հսկայական բազմություն, որ հատուկ միջոցներ են ձեռնարկվում զբոսաշրջիկներին վերահսկելու համար, հայտնում է CNN-ը։

Իտալիայի զբոսաշրջության նախարարությունը ասում է, որ 13 միլիոն իտալացիներ կշրջագայեն երկրով Ֆերագոստոյի առթիվ՝ հնագույն տոն, որն առաջին անգամ հաստատվել է Հռոմեական կայսրության հիմնադիր Օգոստոսի կողմից՝ աշխատողներին հանգիստ տրամադրելու եւ Սուրբ Կույս Մարիամի Վերափոխման կաթոլիկ տոնի համար:

Դրան գումարեք արտերկրից ժամանած միլիոնավոր զբոսաշրջիկներին, եւ քաոսը պատրաստ է: Արդյունքում հայտնի զբոսաշրջային ուղղությունները նոր կանոններ եւ տեխնոլոգիաներ են ներմուծում՝ փորձելով զսպել քաոսը:

Սարդինիա կղզուց մինչեւ Պուլիա, շատ հայտնի լողափեր մուտքն այժմ հասանելի է միայն մարդկանց թիվը վերահսկող հավելվածի միջոցով հատուկ ամրագրմամբ: Մինչդեռ, ըստ իտալական ԶԼՄ-ների, մոտ օրերս լողափերում կարգելվի պլաստիկի օգտագործումը, ծխելը, որոշ դեպքերում նույնիսկ սրբիչներն ու աթոռները։

Արգելել գիշերային լողալը

Սարդինիա կղզու որոշ լողափեր, որոնք այս ամառ ռեկորդային թվով զբոսաշրջիկներ են տեսել, արգելել են քարերի օգտագործումը ծովափնյա հովանոցները խարսխելու համար: Ըստ Սանտա Թերեզա դի Գալուրայի եւ Սանտ Անտիոկոյի համայնքների՝ յուրաքանչյուր ոք, ով չի պահպանի արգելքը, կտուգանվի 500 եվրոյով, հայտնում են տեղական լրատվամիջոցները:

Սարդինիայում հյուսիս-արեւելյան Օլբիայի քաղաքապետն արգելել է նաեւ գիշերը լողալը, լողափնյա արշավը, խարույկները եւ, նույնիսկ, աթոռների և սրբիչների օգտագործումը գիշերը, որպեսզի փորձի զսպել ուշ գիշերային խրախճանքը:

Հռոմում, Ֆլորենցիայում եւ Վենետիկում ժամանակավոր լուսացույցներ են տեղադրվել՝ որպես ամբոխի վերահսկման միջոց հետիոտների ծանր երթեւեկության վայրերում, որպեսզի մարդիկ սելֆի չանեն եւ չարգելափակեն երթեւեկությունը:

Ամալֆիի ափին իշխանությունները կարգավորելու են տրանսպորտային միջոցների քանակը՝ օրվա զբաղված ժամերին զույգ եւ կենտ համարներով մեքենաների մուտքը որոշ փոքր փողոցներ փոփոխելով:

Հյուսիսային Իտալիայի Տրենտինո շրջանի որոշ լեռնային ուղղություններ օգտագործում են մոնիտորներ՝ զբոսաշրջային հոսքերը վերահսկելու համար եւ կփակեն չափազանց զբաղված երթուղիները, ասում է տարածաշրջանային կառավարությունը:

Իտալիան, ինչպես աշխարհի շատ վայրեր, պիկ սեզոնի ընթացքում բախվում է գերզբոսաշրջության հետ կապված խնդիրների, ինչը կարող է բացասաբար ազդել ինչպես հանրաճանաչ վայրերում ապրող մարդկանց կյանքի, այնպես էլ նրանց այցելողների հանգստի որակի վրա:

Սա հավանաբար այն չէ, ինչ նկատի է ունեցել կայսր Օգոստոսը, երբ հաստատել էր այս տոնը:

News.am

Այս թեմայով Լրացուցիչ վարկային միջոցներ՝ խաղողի մթերումների գործընթացը կազմակերպելու համար Ի՞նչ եղանակ է սպասվում առաջիկա օրերին Հակակոռուպցիոն կոմիտեում քննվող վարույթը համարում եմ փաստացի հետապնդում իմ արտահայտած կարծիքի համար․ Թագուհի Թովմասյան Աստղագուշակ՝ սեպտեմբերի 19-ի համար Օրվա խորհուրդ. սեպտեմբերի 19 Սամվել Շահրամանյանը ծաղիկներ է խոնարհում Արցախի համար կյանք տված հայորդիների շիրիմներին (տեսանյութ) Ճամբարի համար Հունգարիան հատուկ է ընտրված. Հունգարիայով մեր երեխաներին տանում են դեպի թուրքական աշխարհ. Արմեն Պետրոսյան Զինծառայողին անզուշությամբ ծանր մարմնական վնաս պատճառելու համար մեղադրանք է ներկայացվել նրա ծառայակցին. ՔԿ Անմեղ մարդու են դատապարտում, քանի որ պետք է շեղել ժողովրդին. Թովմասյանի վերջին խոսքը դատարանում (տեսանյութ) «Շատ դժվար էր ֆիլմի նկարահանումներն ու ամեն փոքրիկ տեսարանի համար քրտնաջան աշխատել ենք». «Դեպի ճամբար-հատուկ ջոկատ» գեղարվեստական ֆիլմը շուտով կլինի մեծ էկրաններին