Աֆղանստանի իշխանությունները Բաղրամի բանտից ազատել են ևս 77 կալանավորի
Աշխարհ
Աֆղանստանի իշխանությունները Բաղրամի բանտից ազատել են 77 կալանավորի, չնայած ԱՄՆ-ի և Աֆղանստանի անվտանգության աջակցման միջազգային ուժերի (ISAF) մեջ մտնող ՆԱՏՕ-ի մյուս երկրների հակազդմանը: Այս մասին հայտնում են տեղական ԶԼՄ-ներին:
Աֆղանստանի իշխանությունների ներկայացուցչի հայտարարության համաձայն՝ նման որոշման համար հիմք է դարձել կալանավորվածների մեղքի բավարար ապացույցների բացակայությունը: Նրա տվյալներով՝ ներկայում քննվում են ևս 48 բանտարկյալի գործեր:
ISAF-ի ներկայացուցիչների կարծիքով՝ ահաբեկչության մեջ կասկածվողների ազատումը վտանգ է ստեղծում միջազգային զորակազմի զինծառայողների համար և այն համաձայնագրի խախտում է, որը կնքվել էր բանտը Աֆղանստանի իշխանություններին հանձնելիս:
«Բանտից ազատված զինյալների հարձակումների հետեւանքով միջազգային կոալիցիայի ուժերը կենդանի ուժի կորուստներ են կրել»,- նշվում է ISAF-ի հայտարարության մեջ:
Հիշեցնենք, որ անցյալ ամսին Բաղրամից, Աֆղանստանի իշխանությունների որոշման համաձայն, ազատվել էին 65 կալանավոր, ինչը նույնպես առաջ էր բերել Վաշինգտոնի կտրուկ հակազդումը: ԱՄՆ-ն այն կարծիքին է, որ Քաբուլի այդ քայլերը վնաս են հացնում երկկողմ հարաբերություններին:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
