«Ռազմինֆո»-ն հրապարակել է Ուկրաինայի կողմից Ադրբեջանին վաճառված զենքի ցանկը

Ուկրաինայի կողմից 1993-2013թթ. Ադրբեջանին վաճառվել է մոտ 1400 միավոր զինատեսակ: Ինչպես հայտնում է «Արմենպրես»-ը, վկայակոչելով Razm.info-ն, տվյալները վերցված են Միավորված ազգերի կազմակերպության, Խաղաղության խնդիրների հետազոտության Ստոկհոլմի միջազգային ինստիտուտի (SIPRI)տվյալների շտեմարանից և այլ բաց աղբյուրներից:

Վաճառված զինմթերքի ցանկում են հռթիռներ և հռթիռային համալիրներ' 495 միավոր, այդ թվում' հակատանկային հրթիռ' 400, «oդ-oդ» համակարգի կառավարելի հռթիռ P-27' 64 միավոր: Ուկրաինան 2002-2010թթ. Ադրբեջանին վաճառել է 294 միավոր հրետանի:

Վաճառվել է բաև Ми-24 տեսակի 12 ուղղաթիռ, 37 ինքնաթիռ, այդ թվում' ուսումնառազմական ինքնաթիռ Л-39' 12 միավոր, կործանիչ-ռմբակոծիչ Су-17' 10 միավոր, Миг-29/29 УБ մակնիշի 15 կործանիչ:

Ուկրաինայի կողմից Ադրբեջանին է վաճառվել 173 միավոր զրահատեխնիկա, 198 տանկ, ընդ որում' միջին կարգի Т-55 150 տանկ, հիմնական ռազմական տանկ Т-72' 48 միավոր: Վաճառվել է նաև ռադիոտեղորոշման 1 կայան:

Նկարում կանաչ գույնով նշված է այն զենքը, որի գնումը հաստատված է երկու կողմերի' Ուկրաինայի և Ադրբեջանի կողմից, դեղին գույնով' միայն այն զենքը, որի գնումը հաստատել է ուկրաինական կողմը, կարմիրով' SIPRI շտեմարանյում նշված զենքտ, որը, սակայն բացակայում է ՄԱԿ-ի տվյալների շտեմարանում: Տանկերի թիվը աղբյուրներում կարող է տարբերվել +/- 3-ով: