Ալինա Կաբաևան հեռանում է Պետդումայից

Ռուսաստանի Պետդուման կդիտարկի հայտնի գիմնաստ Ալինա Կաբաևայի' պատգամավորական մանդատը վաղաժամ վայր դնելու հարցը: Ինչպես հաղորդում է «Արմենպրես»-ը' այդ մասին տեղեկացնում է խորհրդարանի ստորին պալատի պաշտոնական կայքը:

Դումայի կոմիտեն, ըստ կանոնակարգի, պաշտպանել է Կաբաևայի համապատասխան հայտարարությունը և առաջարկել դիտարկել այդ հարցը սեպտեմբերի 16-ի նիստի ընթացքում: Կաբաևայի լիազորությունները նախատեսվում է դադարեցնել սեպտեմբերի 15-ից:

Կաբաևան Դումայի պատգամավոր է ընտրվել 2007-2011 թվականներին և վերընտրվել 2011 թ.-ից: