Ադրբեջանը փոխում է Ռուսաստանի նկատմամբ իր դիրքորոշումը

Ադրբեջանը պաշտպանել է Ռուսաստանին և նախազգուշացրել Արևմուտքին: «Ռուաստանն այն երկիրը չէ, որի հետ կարելի է խոսել պատժամիջոցների լեզվով», -այս մասին, ինչպես հաղորդում է «Արմենպրես»-ը՝ վկայակաչելով ԻՏԱՌ-ՏԱՍՍ-ը, Բաքվում ընթացող ռուս-ադրբեջանական միջկառավարական հանձնաժողովի նիստում հայտարարել է Ադրբեջանի առաջին փոխվարչապետ Յագուբ Էյուբովը՝ մեկնաբանելով Ռուսաստանի դեմ Արևմուտքի վերջին պատժամիջոցները:

Ադրբեջանցի փոխվարչապետը համոզմունք է հայտնել, որ նոր պատժամիջոցները չեն կարող ընկճել Ռուսաստանին, այլ, հակառակը, կամրապնդեն նրան: «Մենք հասկանում ենք Եվրամիության, ԱՄՆ-ի և Ռուսաստանի միջև ստեղծված իրավիճակը: Ոչ ոք չի կարող ընկճել Ռուսաստանին, նա երբեք ծնկի չի գա, այլ ավելի կգոտեպնդվի», -ասել է Յ.Էյուբովը:

Տնտեսական համագործակցության գծով ադրբեջանառուսաստանյան միջկառավարական նիստին մասնակցում է ՌԴ փոխվարչապետ Դմիտրի Ռոգոզինը:

Ուկրաինայի իրադարձությունների հետ կապված, ավելի վաղ Ադրբեջանի իշխանությունները մշտապես պաշտպանել էին Արևմուտքին և կողմ արտահայտվել Մոսկվայի դեմ պատժամիջոցների կիրառմանը:

ԱՄՆ-ի ֆինամսների նախարարությոընը սեպտեմբերի 12-ին հայտարարել է Ռուսաստանի դեմ նոր պաժամիջոցների մասին: Սահմանափակումների տակ են ընկել պաշտպանական ձեռնարկությունները, բանկերը, ինչպես նաև էներգետիկական ընկերությունները: Նույն օրը ուժի մեջ են մտել նաև Եվրամջության հակառուսաական պատժամիջոցները, որոնք, մասնավորապես, վերաբերվել են «Ուրալվագոն» գործարանին, «Օբորոնպրոմ»-ին և «Միավորված ավիաշինարարական կորպորացիային»: Բացի դրանից, այսպես կոչված սև ցուցակում ընդգրկվել են ևս 24 ազգանուններ: