Իրաքի նախագահը հայտարարել է, որ իրենց բավական են ԻԼԻՊ-ի դեմ օդային հարվածները

Իրաքում «Իրաքի և Լևանտի իսլամական պետության» դեմ պայքարելու համար անհրաժեշտ չէ արտասահմանյան աջակցությունը ցամաքային գործողություններում, դրա համար բավական են օդային հարվածները:

Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, այս մասին «Ասախի» թերթին տված հարցազրույցում նշել է Իրաքի նախագահ Ֆուադ Մաասումը: Նրա խոսքով, Իրաքը բավականաչափ զինվորներ ունի լայնամասշտաբ գործողություններ իրականացնելու համար: «Ես ողջունում եմ միջազգային հանրության ցանկացած օգնություն՝ ռազմական, մարդասիրական, տնտեսական: Այն, ինչ անհրաժեշտ է, օդային հարվածներն են»,- նշել է նախագահը: