Սիրիական բանակը զինյալներից ազատագրել է Ղամիշլիի մի քանի գյուղեր
Աշխարհ
Սիրիական բանակը վերականգնել է Ղամիշլի քաղաքի արևելքում գտնվող մի քանի գյուղերի կայունությունն ու անվտանգությունը՝ ոչնչացնելով մեծ թվով զինյալների: Ինչպես հաղորդում է «Արմենպրես»-ը՝ վկայակոչելով սիրիական ՍԱՆԱ գործակալությունը, զինյալներից ազատագրվել են Մեծ Հաջիա, Փոքր Հաջիա, Թել Մաթինա, Սադդա, Մեծ Ռահիա, Փոքր Ռահիա և ևս մի քանի գյուղեր: Իդլիբի Խան Շեյխուն, Սիյադ, Օմարիա գյուղերում զինյալների թաքստոցներ են հայտնաբերվել: Տեղի ունեցած բախումների ժամանակ տասնյակ զինյալներ են սպանվել:
Պայքարը զինյալների դեմ ընթանում է նաև Հալեպում: Հալեպի մերձակա գյուղերում բանակը հարձակվել է զինյալների թաքստոցների վրա՝ լուրջ կորուստներ պատճառելով նրանց: Ռամուսայի շրջանում կանխվել է զինյալների հարձակումը ռազմական հենակետի ուղղությամբ:
Դեր Զոր քաղաքում սիրիական բանակը ԻԼԻՊ խմբավորման թաքստոց է ոչնչացրել Ջաբալիա թաղամասում:
ԻԼԻՊ-ը լուրջ վնասներ է կրել նաև Բուքմալ քաղաքի մերձակայքում գտնվող Շաաֆ և Հասրաթ գյուղերում, ինչպես նաև Մրատ գյուղում:
ՄԱԿ-ի տվյալներով, Սիրիայում 3 տարուց ավելի ընթացող բախումների հետևանքով ավելի քան 190 հազար մարդ է զոհվել:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
