Ուկրաինայում հրադադարը չպետք է առավելություններ ստանալու առիթ դառնա. ԵԱՀԿ
Աշխարհ
Ուկրաինայում հրադադարն առավելություններ ստանալու համար օգտագործելու փորձերը կարող են հանգեցնել դրա վիժեցման: Այդ մասին, ինչպես տեղեկացնում է «Արմենպրես»-ը, ռուս լրագրողներին հայտարարել է Եվրոպայի անվտանգության և համագործակցության կազմակերպության գլխավոր քարտուղար Լամբերտո Զանիերը:
«Այդ զինադադարը չի կարող առիթ դառնալ առավելություններ ստանալու փորձերի համար, քանի որ այդ դեպքում ամեն ինչ կխափանվի»,- ասել է Զանիերը սեպտեմբերի 21-ին ՄԱԿ-ի գլխավոր քարտուղար Պան Գի Մունի հետ կայացած հանդիպումից հետո:
Նրա խոսքով՝ ընդհանուր առմամբ Ուկրաինայում հրադադարի ռեժիմը պահպանվում է, բայց կան խախտումներ, որոնք ԵԱՀԿ-ն խստիվ դատապարտում է: Զանիերը նաև հավաստել է, որ այժմ Ուկրաինայում են գտնվում ԵԱՀԿ-ի շուրջ 80 դիտորդներ, և նրանց թիվը կհասցվի 500-ի:
«Մենք, իրոք, ցանկանում ենք ավանդ ներդնել, որքան որ դա հնարավոր է, որպեսզի կայունացնենք հրադադարի ռեժիմը և լիցքաթափենք ճգնաժամը»,- ասել է ԵԱՀԿ-ի գլխավոր քարտուղարը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Բացահայտվել է 1958-ին անհետացած հինգ հոգանոց ընտանիքի առեղծվածը
