«Ուկրաինայում ՆԱՏՕ-ի զորավարժանքները սրում են լարված իրավիճակը». Բորդյուժա
Աշխարհ
Ուկրաինայում ՆԱՏՕ-ի կողմից անցկացվող զորավարժանքները սրում են լարված իրավիճակն այդ երկրում: «Արմենպրես»-ի հաղորդմամբ' այս մասին սեպտեմբերի 22-ին Երևան-Մոսկվա-Աստանա տեսակամրջի ժամանակ նշեց ՀԱՊԿ գլխավոր քարտուղար Նիկոլայ Բորդյուժան: «Իմ կարծիքով' Ուկրաինայում ՆԱՏՕ-ի կողմից անցկացվող զորավարժությունները միայն իրավիճակի սրացում են հրահրում: Քաղաքացիական պատերազմի մեջ գտնվող երկրում, ուր ամբողջովին չի դադարեցվել կրակը, զորավարժություններ անցկացնելը նման է պետությանը կամ կողմերից մեկին ակտիվ գործողությունների դրդելուն»,- ասաց նա:
ՀԱՊԿ գլխավոր քարտուղարը հույս հայտնեց, որ Մինսկում կնքված արձանագրությունը և դրանից հետո ձեռք բերված համաձայնությունները կբերեն խնդրի խաղաղ կարգավորմանը:
Սեպտեմբերի 15-26-ը Հյուսիս-Ատլանտյան դաշինքն Ուկրաինայում անցկացնում է ամենամյա պլանային մարտավարական զորավարժություններ: ՆԱՏՕ-ի և Ուկրաինայի համատեղ զորավարժություններին մասնակցում է մոտ 1300 զինծառայող 15 երկրից, 700 միավոր ռազմական տեխնիկա և ավելի քան 50 ռազմական մեքենա:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
