Նեպալում առնվազն 29 մարդ է զոհվել ավտոբուսի վթարի հետևանքով

Նեպալում առնվազն 29 մարդ է զոհվել այն բանից հետո, երբ լեփլեցուն ավտոբուսը լեռնային նեղ ճանապարհից ընկել է անդունդը: Մի քանի տասնյակ ուղևորներ վերքեր են ստացել, տեղեկացնում է «Արմենպրես»-ը՝ հղում անելով BBC-ին:

Ինչպես նշում է տեղական ոստիկանությունը, ավտոբուսում գտնվում էր առնվազն հարյուր մարդ, որոնց մեծամասնությունն ուղևորվում էր Նեպալի խոշորագույն հինդուիստական տոնին՝ Դաշայնին:

Ողբերգությունը տեղի է ունեցել Նեպալի Հեռավորարևմտյան տարածաշրջանում, որը հայտնի է նաև որպես Դոտի, մայրաքաղաք Կատմանդուից 800 կիլոմետր հեռավորության վրա:

Տարեկան հիմալայան այս պետության ճանապարհներին շուրջ մեկուկես հազար մարդ է զոհվում: