Սիրիայում կանխվել է Ամերիկայի վրա ահաբեկչական հարձակումը. ամերիկացի գեներալ

ԱՄՆ-ի հրթիռային հարվածները Սիրիայի տարածքում «Խորասան» խմբավորման գրոհայինների դիրքերին խափանել են խմբավորման անդամների՝ Միացյալ Նահանգների և նրա դաշնակիցների վրա ծրագրավորված հարձակումների իրականացումը, սակայն դա չի վերացրել սպառնալիքը: Այս մասին հայտնել է ՏԱՍՍ-ը՝ հղում անելով ամերիկացի գեներալ Մարտին Դեմփսիին:

«Ես կարծում եմ, որ միանգամայն ճիշտ կլինի ասել, որ այդ ծրագրերը խափանվել են, սակայն հայտնի չէ, թե որքան ժամանակով»,- նշել է Դեմփսին:

«Այս խմբավորումը դեռ կարող է հարձակում իրականացնել, քանի որ նրանք ունեն վերջին տասնամյակներում կուտակված որոշակի փորձ, և միմյանց հետ կապի մեջ են»: