Սերբիան չի վախենում ԵՄ-ին անդամակցության հետաձգումից
Աշխարհ
Սերբիան չի վախենում, որ Ռուսաստանի դեմ պատժամիջոցներ չկիրառելու պատճառով կհետաձգվի վերջինիս մուտքը Եվրամիություն: Այս մասին հայտնել է ՌԻԱ «Նովոստին»՝ հղում անելով երկրի նախագահ Տոմիսլավ Նիկոլիչին:
«Մեծ յոթնյակի» երկրները և Եվրամիությունը պատժամիջոցներ են սահմանել ՌԴ-ի նկատմամբ՝ վերջինիս վրա դնելով ուկրաինական ճգնաժամի մեղքի զգալի մասնաբաժինը: Սերբիան 2012թ.-ից Եվրամիությանը անդամակցելու պաշտոնական թեկնածությունն է առաջադրել:
«Եվրոպան ավելի խստորեն կպահանջի Սերբիայից պատժամիջոցներ կիրառել Ռուսաստանի դեմ: Եվրոպան շեշտը դնւմ է մեր՝ ԵՄ-ին անդամակցության համաձայնագրի այն մասի վրա, որտեղ խոսքը վերաբերում է համատեղ արտաքին քաղաքականությանը»,- ասել Սերբիայի նախագահը:
Նիկոլիչը նշել է, որ չի վախենում Սերբիայի՝ ԵՄ-ին անդամակցության հետաձգումից՝ նման քաղաքականության պատճառով:
«Երբ մենք որոշեցինք բանակցել Եվրամիության հետ, մենք նկատի չունեինք Ռուսաստանի դեմ պատժամիջոցների կիրառումը»,- ասաց Նիկոլիչը:
Եզրափակելով իր խոսքը՝ Սերբիայի նախագահը նշել է, որ իր երկիրը ցանկանում է համագործակցել ինչպես Ռուսաստանի, այնպես էլ ԵՄ-ի հետ:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
