Ալիևը չորս քաղբանտարկյալի համաներում է շնորհել

Ադրբեջանի նախագահ Իլհամ Ալիևը հոկտեմբերի 17-ին որոշում է ստորագրել 84 դատապարտվածի համաներում շնորհելու վերաբերյալ: Ինչպես հաղորդում է «Արմենպրես»-ը' վկայակոչելով ադրբեջանական Contact.az-ը, համաներում ստացած անձանց շարքում են նաև Թուրքիայի, Իրանի ու Պակիստանի քաղաքացիներ:

Համաներում ստացածների թվում են չորս հայտնի իրավապաշտպաններ, ովքեր համարվում էին քաղբանտարկյալ: Այս տարվա ամռանը նրանք համաներում ստանալու խնդրագիր էին ուղարկել Ալիևին' հայտարարելով, որ դուրս են գալիս NIDA շարժումից և այսուհետ պաշտպանելու են իշխանական շրջանակներին:

Ներկայումս Ադրբեջանի բանտերում շարունակում է մնալ 100 քաղբանտարկյալ: