Հոնկոնգի ոստիկանության և ցուցարարների բախումների հետևանքով 20 մարդ է վիրավորվել

Հոնկոնգում տեղի ունեցած անկարգությունների հետևանքով 20 մարդ է վիրավորվել: Այս մասին հայտնել է Agence France-Presse-ը:

Մոնգկոկի շրջանում սաղավարտներով և վահաններով զինված տասնյակ ոստիկաններ փորձել են դուրս հրել փողոցից ցուցարարներին: Բացի այդ, ցուցարարների պնդմամբ`ոստիկանները բազում հարվածներ են հասցրել մահակներով: Ցուցարարների որոշ մասը մարմնական վնասվածքներ է ստացել. դեպքի վայր են ժամանել բժիշկները:

Ավելի վաղ հաղորդվել էր, որ Հոնկոնգում ցուցարարների և ոստիկանության միջև նոր բախումների հոսք է սկսվել: