ԱՄՆ-ը Քոբանիին պաշտպանող քրդերին զենք, զինամթերք և բժշկական պարագաներ է փոխանցել. Սպիտակ տուն

Կիրակի օրը ամերիկացի զինվորականները սիրիական քաղաք Քոբանիին պաշտպանող աշխարհազորայիններին զենք, զինամթերք և բուժօգնության համար նախատեսված պարագաներ են փոխանցել: Այս մասին հայտնել է ՏԱՍՍ-ը:

Քոբանի քաղաքը գտնվում է թուրքական սահմանի մոտ, նրա պաշտպանությունն «Իսլամական պետության» գրոհայիններից արդեն վաղուց է ընթանում:

Այս որոշումը կայացվել է «հումանիտար աղետը և խաղաղ քաղաքացիների զանգվածային կոտորածները» կանխելու համար, որոնք կարող են տեղի ունենալ, եթե ԻՊ-ն գրավի քաղաքը: