Քոբանի քաղաքի քրդական ուժերը զենք և զինամթերք են ստացել

Քրդական ուժերի մամուլի քարտուղար Բուլաթ Ջանը տեղեկացրել է, որ «Իսլամական պետության» դեմ պայքարող Քոբանի քաղաքի քրդական ուժերը մեծ քանակությամբ զենք և զինամթերք են ստացել: Ինչպես հաղորդում է «Արմենպրես»-ը՝ վկայակոչելով արաբական լրատվամ իջոցները, ավելի վաղ ամերիկյան ռազմական ղեկավարության տեղեկություններով ամերիկյան օդանավը քրդական ուժերին տարբեր տեսակի զենք, զինամթերք, ինչպես նաև դեղորայք է տրամադրել քրդական ուժերին: Օգնությունը տրամադրվել է Իրաքյան Քրդստանից:

Վերջին օրերի ընթացքում ամերիկյան օդային ուժերը 135 օդային հարվածներ են հասցրել Քոբանի քաղաքի մերձակայքում ԻՊ-ի դիրքերի ուղղությամբ, որոնց արդյունքում նրանց հաջողվել է դանդաղեցնել կազմակերպության առաջխաղացումը, և սպանվել են հարյուրավոր ահաբեկիչներ:

Արաբական մեկ այլ աղբյուր տեղեկացնում է, որ նախորդ գիշերվա ընթացքում 16 ահաբեկիչ են սպանվել բախումների հետևանքով:

Քոբանի քրդաբնակ քաղաքը համարվում է քրդական ինքնավար ադմինիստրացիայի խոշորագույն կենտրոններից մեկը Սիրիայի հյուսիսում: Հոկտեմբերի սկզբին այնտեղ բնակվում էին մոտ 100 հազար բնակիչներ: Ավելի քան 180 հազար քրդեր ստիպված փախուստի են դիմել քաղաքից և շրջակա գյուղերից: Քաղաքը կարևոր նշանակություն ունի ԻՊ-ի համար, քանի որ այն գրավելու դեպքում կազմակերպությոÖ ‚նը վերահսկողություն կհաստատի Թուրքիայի սահմանի մերձակայքում Հալեպի մարզի գրաված տարածքներից մինչև Ռակկայի մերձակայքում գտնվող Թել Աբյադ քաղաք: Քոբանին գտնվում է Դամասկոսից 532 կմ հեռավորության վրա՝ Թուրքիայի սահմանի մերձակայքում: