Կանադան վեց կործանիչ կուղարկի ԻՊ-ի դեմ պայքարելու համար

Վեց կործանիչ, որոնք կմասնակցեն «Իսլամական պետության» գրոհայինների դեմ միջազգային գործողությանը, երեքշաբթի օրը կուղարկվեն Մերձավոր Արևելք: Այս մասին հայտնել է ՏԱՍՍ-ը՝ վկայակոչելով Կանադայի պաշտպանության նախարարության հաղորդագրությանը:

Բացի կործանիչներից, Կանադան պատրաստվում է նաև ուղարկել երկու հետախուզական ինքնաթիռներ՝ CP-140 Aurora և մեկ ռազմական օդանավ՝ Airbus СС-150 Polaris, ինչպես նաև 600 զինծառայողների՝ «օդային առաքելությունները աջակցելու համար»:

Ավելի վաղ, Կանադայի վարչապետ Սթիվեն Հարպերի հաղորդմամբ, Կանադայի ավիացիան պետք է հարվածներ հասներ իսլամիստների դիրքերին միայն Իրաքի տարածքում: Նա նաև նշել է, որ զինծառայողները չեն մասնակցելու հնարավոր ցամաքային գործողությանը: