«Միութենական պետությունը պետք է կողմնորոշիչ լինի ԵՏՄ-ի համար». Մեդվեդև
Աշխարհ
ՌԴ-ի վարչապետ Դմիտրի Մեդվեդևը հայտարարել է, որ Ռուսաստան-Բելառուս միութենական պետությունը պետք է ինտեգրացման կողմնորոշիչ ծառայի Եվրասիական տնտեսական միության համար:
«Դուք բացարձակապես իրավացի եք, որ Ռուսաստանի և Բելառուսի միջև Միությունն առանձնահատուկ ինտեգրացիոն միավորում է: Չնայած այլ ուղղություններով մեր ինտեգրացիոն հաջողություններին, ներառյալ Եվրասիական տնտեսական միությունը, այնուամենայնիվ, միևնույն է փոխգործակցության մակարդակը, փոխգործակցության հարցերի լայնությունն այն ուղղությամբ առայժմ դեռ չի հասնում Միութենական պետության մակարդակին»,- ասել է Մեդվեդևը հոկտեմբերի 21-ին Բելառուսի նախագահ Ալեքսանդր Լուկաշենկոյի հետ Մինսկում կայացած հանդիպման ժամանակ, տեղեկացնում է «Արմենպրես»-ը:
Նրա խոսքով՝ Ռուսաստանի և Բելառուսի Միութենական Պետությունը պետք է կողմնորոշիչ ծառայի այն մյուս երկրների համար, որոնք մասնակցում են եվրասիական տնտեսական ինտեգրացմանը:
«Միութենեական պետության շրջանակներում մեր պետությունների միջև փոխգործակցության մակարդակն այն կողմնորոշիչն է, որով կառաջնորդվեն մյուս բոլոր երկրները»,- հավելել է ՌԴ-ի վարչապետը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
