Պատճառվել է 200.000 դրամի նյութական վնաս

Մարտի 16-ին ոստիկանության Աշտարակի բաժնի ծառայողները, գողություն կատարելու համար, բերման էին ենթարկել Հ. Առաքելյանին, Ռ. Բարսեղյանին և Կ. Սիմոնյանին:

Նախաքննության ընթացքում պարզվել է, որ նրանք 2009 թ. հոկտեմբերին Սիսակյան-Նարեկացի փողոցների խաչմերուկում գտնվող խանութի պատուհանը կոտրելով՝ գողացել են մոնիտոր, 70 տուփ ծխախոտ և 3 օծանելիք՝ պատճառելով 200.000 դրամի նյութական վնաս: Տուժողը գողության մասին ոստիկանություն չէր դիմել: Կատարվում է հետաքննություն: