«Եռյակը քիչ-քիչ համալրվում է լուսանցքային և հեղինակություն չունեցող կուսակցություններով»

Անի Զախարյանը ֆեյսբուքյան իր էջում գրել է.

«Եռյակը քիչ-քիչ համալրվում է լուսանցքային և հեղինակություն չունեցող կուսակցություններով։ Բնական է, այդպես էլ պետք է լիներ․․․բոլոր ձախողակները, ովքեր 10-20 տարուց ավել կեղծ բարեգործությամբ,նախագահական ընտրություններում առաջադրվելով փորձեցին ինչ-որ տեղ գրավել պետական համակարգում և չկարողացան դրան հասնել, հիմա զենքները վայր են դրել և մտածում են շնից մազ պոկելն էլ քյար է՝եկ մի բան էլ մենք պոկենք այս գաղափարազուրկ ընդդիմադիր շարժումից։

Չգիտեմ,անշուշտ,մարդկային ռեսուրսի ավելացման առումով, սա կնպաստի եռյակի առաջխաղացմանը,սակայն մի շարժում, որն ի սկզբանե չունի ազգային գաղափարական հիմք և որտեղ հավաքվել են Հայաստանը կործանող առանցքայի գործիչներ, ուզում է 10 լուսանցքային կուսակցություն իրեն միացնի, միևնույն է ոչնչի չի հասնելու։ Հիշենք ժամանակին ՀԱԿ-ի կազմում գործող մոտ 10 կուսակցությունները, որոնք ԼՏՊ-ի ձախողումից հետո լքեցին ՀԱԿ-ը։

Նույնը հիմա է լինելու, կրկին ժողովրդի ուշադրությունը կենտրոնացնում են ժամանակավոր քաղաքական իրադարձությունների վրա, որոնք ոչ մի կապ չունեն ոչ ազգային շահի,ոչ ազգային արժանապատվության և ոչ արմատական փոփոխությունների հետ։ Ինչևիցե, սա է մեր իրականությունը և ստիպված ենք տանել,այս կրկես շոուն մինչև ինքներս անենք այն ինչ անելու ենք մոտ ապագայում։ Առայժմ մնում է երբեմն-երբեմն հետևել այս էժանագին կրկեսին՝ձեռքդ քաղաքական զարկերակի վրա միշտ պահելու համար միայն,որպեսզի տատանումների ժամանակ անես անելիքդ»։