Այսօր ավելի շատ, քան երբեք, մենք կարիք ունենք միասնականության

Մենք՝ հայրենիքի սահմաններից դուրս գտնվող երկրապահ հայերս, ուշադրությամբ հետևում ենք մեր սահմաններին տիրող իրավիճակին: 

Մենք հպարտ ենք, որ հայ ժողովուրդը միաձայն դատապարտում է Բաքվի՝ միայն վախկոտ ազգին բնորոշ ոճով ստոր հանդգնությունը և սատարում է Արցախի մեր եղբայրներին և քույրերին:

Մենք հպարտ ենք ՀՀ նախագահ, Գերագույն գլխավոր հրամանատար Սերժ Սարգսյանի գլխավորությամբ Հայոց բանակի պրոֆեսիոնալ, մարտական բարձր պարտրաստվածությամբ և հնարավորություններով:

Մենք հպարտ ենք, որ Երկրապահի առաջնորդ զորավար Մանվելն առաջին օրվանից մինչև այժմ պատրաստակամ կանգնած է իր ազգի կողքին: Նա, ինչպես միշտ ու նաև այսօր, հայ ժողովրդի միասնականության ջատագովն է: Վայրենի թուրքից տասնապատիկ անգամ ուժեղ և իր երկրի, իր ազգի համար անսահման նվիրվածությամբ ապացուցել է և մարմնավորում է իսկական հայ երկրապահին: Նա, լինելով հեռատես, նաև ջանք ու եռանդ չի խնայում մեր երիտասարդ սերնդի՝ որպես ազգի երկրապահ դաստիարակելու սուրբ գործի համար և դրա հաստատուն հիմքերն է դրել: 

Դրանում է գեներալի հզորությունը և հայոց ժամանակակից պատմության վառ էջերն է շարունակում ոսկե տառերով գրել իր արիությամբ և պատրաստակամությամբ՝ ցանկացած պահի պատրաստ լինելով պաշտպանել իր ազգի անվտանգությունը: 

Այո, այսօր ավելի շատ, քան երբեք, մենք կարիք ունենք միասնականության, մենք ուղղակի իրավունք չունենք պառակտվելու և ալիևյան բռնապետ ռեժիմին գեթ մեկ հնարավորություն տալու «առիթավորվելու»: 

Այսօր ավելի շատ, քան երբեք, մենք մի կողմ պետք է թողնենք մեր անձնական ամբիցիաները: 

Մեր ուժը հենց մեր միախմբվածության մեջ է:

Այսօր փաստացի թշնամին մեր համբերության հետ է խաղում և խոչընդոտում է մեր նահատակ հերոսների մարմինները վերադարձնելուն: 

Մենք անվերապահորեն միանում ենք գեներալ Մանվել Գրիգորյանի՝ թշնամուց մեր տղաների մարմինները վերադարձնելու պատրաստակամության կոչին: Մենք պատրաստ ենք, որպես երկրապահներ, մեկ ժամ առաջ գալ և միանալ մեր հայրենիքի եղբայրներին և գեներալի գլխավորությամբ գնալ մեր հերոս զինվորների աճյունների հետևից, և եթե պետք է՝ շարունակել ճանապարհը մինչև Բաքու: Եվ սպասում ենք զորավարի հրամանին:

Աստված մեր ազգին պահապան:

ԵԿՄ միության Ֆրանսիայի բաժանմունք

Ֆրանսահայ ազատամարտիկներ

Փարիզ քաղաքի հայ համայնք

Նանսի քաղաքի հայ համայնք

Մարսել քաղաքի հայ համայնք

Լիոն քաղաքի հայ համայնք

Ռեն քաղաքի հայ համայնք

Ֆրանսիա, 20 նոյեմբեր 2014թ.