Ճարպակալումը տնտեսությանը վնասում է ոչ պակաս, քան պատերազմը
Այլ
Վնասը, որը համաշխարհային տնտեսությանը հասցնում է ճարպակալման խնդիրը, գրեթե հավասար է զինված հակամարտությունների պատճառած վնասին: Այդ մասին, ինչպես տեղեկացնում է «Արմենպրես»-ը, ասված է McKinsey Global Institute կոնսալտինգային ընկերության հետազոտության մեջ:
Հետազոտողների տվյալների համաձայն՝ ամբողջ աշխարհում ճարպակալումից տառապում է ավելի քան 2,1 մլրդ մարդ, այսինքն՝ երկրագնդի ամբողջ բնակչության մոտավորապես մեկ երրորդը:
Տնտեսությունը կորցնում է մոտավորապես 2 տրիլիոն դոլար, որը ծախսվում է ճարպակալման հետ կապված խնդիրների լուծման վրա, ներառյալ գիրությամբ պայմանավորված հիվանդությունների բուժումը, ինչպես նաև նրանց հիվանդաթերթիկների վճարումը, ովքեր տառապում են ճարպակալումից:
Փորձագետները խորհուրդ են տալիս ճարպակալման խնդիրը լուծելու համար փոքր-ինչ նվազեցնել սննդաբաժինները, ինչպես նաև վերանայել «ֆասթ-ֆուդի» հայեցակարգը: McKinsey Global Institute-ի հետազոտողների կարծիքով՝ այդ միջոցառումները շատ ավելի արդյունավետ կլինեն, քան առողջ ապրելակերպի աջակցման բազմաթիվ արշավները կամ ճարպակալմանը նպաստող մթերքների հարկերի բարձրացումը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
