Հայ շախմատիստները՝ Թեհրանում

Իրանի մայրաքաղաք Թեհրանում անցկացվող օփենի հինգերորդ տուրում բոլոր հայ մասնակիցները հաղթանակներ տարան: Այժմ գոսմայստեր Գեւորգ Հարությունյանը 5 միավորով գլխավորում է աղյուսակը: Նույնպիսի արդյունք ունի ՖԻԴԵ-ի վարպետ Նիմա Ջավանբախտը (Իրան), բայց նա հայ շախմատիստին զիջում է լրացուցիչ ցուցանիշներով: Գրոսմայստեր Դավիթ Պետրոսյանը եւ միջազգային վարպետ Աշոտ Նադանյանն առաջատարներից ետ են մնում կես քայլով: Հովհաննես Հակոբյանը վաստակել է 4 միավոր: Այս մասին տեղեկացնում է armchess.am-ը: