«Եվրոպական ազատ դաշինքը» դատապարտել է Ադրբեջանի կողմից ուղղաթիռի խոցման փաստը
Արտաքին Քաղաքական
«Եվրոպական ազատ դաշինք» կուսակցության նախագահ Ֆրանսուա Ալֆոնսին աջակցություն է հայտնել Արցախի ժողովրդին` դատապարտելով Ադրբեջանի կողմից ուսումնավարժական թռիչքի ժամանակ ԼՂՀ ռազմօդուժի անզեն ուղղաթիռի խոցման փաստը: Նա ընդգծել է, որ այդ փաստն իր համար հիմնովին անընդունելի է: «Մեր մտքերն անձնակազմի զոհված անդամների ընտանիքների ու ընկերների հետ են: Մենք դատապարտում ենք Ադրբեջանի իշխանությունների նման ագրես իվ գործողությունը»,-«Արմենպրես»-ի հաղորդմամբ` ասել է Ֆրանսուա Ալֆոնսին:
Նա գործելու ու խնդիրը մանրամասնորեն վերլուծելու կոչ է արել եվրոպական կառույցներին` այդ սարսափելի միջադեպի քաղաքական պատասխանատուներին հստակեցնելու համար: Ալֆոնսին անթույլատրելի է համարել փաստը, որ Ադրբեջանի ղեկավարությունը պարգևատրել է ուղղաթիռի խոցման հրամանը կատարած սպային: «Մենք կարծում ենք, որ կարևոր է Ադրբեջանի կողմից Լեռնային Ղարաբաղի նկատմամբ վերաբերմունքի և ռազմավարության փոփոխությունը»,- նշել է նա:
«Եվրոպական ազատ դաշինքը» կշարունակի տարածաշրջանի իրավիճակի մշտադիտարկումը և կմնա երկարատև խաղաղության կառուցման համար անհրաժեշտ վստահության երաշխիքների ստեղծման ջատագով:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
