Աշխարհը չի կարող հաղթել «Իսլամական պետությանն»՝ առանց Ռուսաստանի աջակցության. ԶԼՄ-ներ

Աշխարհն ի վիճակի չէ հաղթելու Սիրիայում և Իրաքում պատերազմող «Իսլամական պետություն» ահաբեկչական խմբավորմանն առանց Ռուսաստանի հետ փոխգործակցության: Այս մասին հայտնել է ՏԱՍՍ-ը՝ հղում անելով Լոնդոնի Independent թերթի էջերում մեկնաբան Մերի Դեժևսկիի տեսակետը:

«Միջազգային համագործակցությունը կարող է գործել միայն այն դեպքում, եթե հրավիրված են բոլոր հանգուցային խաղորդները, իսկ դա նշանակում է նաև Ռուսաստանը»,- ասված է նյութում:

«Ուկրաինայի ճգնաժամից Արևմուտքը գլուխը կորցնում է»,- կարծում է Դեժևսկին՝ խոսելով հունվարի 22-ին Լոնդոնում կայացած 21 երկրի՝ ԻՊ-ի դեմ միջազգային կոալիցիայի «հանգուցային մասնակիցների» պատվիրակների հանդիպումից ստացված խառնաշփոթ տպավորության մասին:

Դեժևսկին քննադատում է Արևմուտքի ներկայիս դիրքորոշումը, որը կապված է Ռուսաստանը մի շարք ուղղություններով մեկուսացնելու փորձերի հետ: Մի կողմից՝ լրագրողը գրում է, որ այս մոտեցումը չի նպաստում ռուսների հետ հարաբերությունների արդյունավետ զարգացմանը: Երկրորդ, ընդգծում է նա, «ԻՊ-ն և, ամբողջությամբ վերցված, իսլամիստ զինյալները, ընդհանուր թշնամի են Արևմուտքի և Ռուսաստանի համար: Երրորդ խնդիրը, որը հեղինակը համարում է առավել անհետաձգելի, այն է, որ ՌԴ-ին օստրակիզմի ենթարկելու Արևմուտքի ձգտումն «սպառնում է Ուկրաինայի հակամարտության որևիցե լուծման ձգձգմամբ»: