ԻԼԻՊ-ի 6 հազար անդամ ոչնչացվել է. Իրաքում ԱՄՆ-ի դեսպան
Աշխարհ
Իրաքում ԱՄՆ-ի դեսպան Ստյուարտ Ջոնսը հայտարարել է, որ «Իրաքի և Լևանտի իսլամական պետություն» (ԻԼԻՊ) ահաբեկչական կազմակերպության դեմ ստեղծված կոալիցիոն ուժերի իրագործած օդային հարվածների արդյունքում 6 հազար իսլամիստներ են սպանվել: Ինչպես հաղորդում է «Արմենպրես»-ը, այս մասին Ջոնսը հայտարարել է «Ալ Արաբիա» հեռուստասության ը տված հարցազրույցում:
«Օդային հարվածներով մինչ այս պահը, ենթադրաբար, 6 հազարից ավելի ԻԼԻՊ-ի զինյալներ են ոչնչացվել: Այդ թիվը խոսում է ԻԼԻՊ-ի թուլանալու մասին:
Լոնդոնում անցկացված «Պայքար ԻԼԻՊ-ի դեմ» հավաքին մասնակից ԱՄՆ պետքարտուղար Ջոն Քերին էլ հայտարարել է, որ ԻԼԻՊ-ի դեմ Սիրիայում և Իրաքում մոտ 2 հազար գործողություններ են կատարվել, որոնց արդյունքում ոչնչացվել է ահաբեկչական այդ կազմակերպության բարձրաստիճան հրամանատարության 50 տոկոսը:
Թուրքական և ադրբեջանական ԶԼՄ-ների համաձայն՝ Իրաքում և Սիրիայում մինչ այժմ ոչնչացվել են ԻԼԻՊ-ի կազմում կռվող 300-ից ավելի ադրբեջանցիներ և 500-ից ավելի թուրքեր:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
