«Միսս տիեզերք-2014» գեղեցկության մրցույթի հաղթող է դարձել Կոլումբիայի ներկայացուցչուհի Պաուլինա Վեգան (լուսանկարներ)
Աշխարհ
«Միսս տիեզերք-2014» գեղեցկության մրցույթի հաղթող է դարձել Կոլումբիայի 22-ամյա ներկայացուցչուհի Պաուլինա Վեգան: Մրցույթը ժամեր առաջ ավարտվել է ԱՄՆ-ի Ֆլորիդայի նահանգի Մայամի քաղաքի Դորալե արվարձանում, տեղեկացնում է «Արմենպրես»-ը:
Ստուգատեսին մասնակցել են 88 երկրի աղջիկներ: Վեգան ծնվել է 1993 թվականի հունվարի 15-ին Բարանկիլյա քաղաքում, որը գտնվում է Կոլումբիայի հյուսիսում: Նրա հասակը 175 սմ է: Նա խոսում է իսպաներեն և անգլերեն, մի քիչ էլ ֆրանսերեն գիտի: Ունի չորս քույր և երեք եղբայր:
Աղջիկն ութ տարեկանից աշխատում է որպես մոդել, այժմ մենեջմենթ է ուսումնասիրում Բոգոտայի համալսարանում:
«Միսս տիեզերք» մրցույթի պատմությունն սկիզբ է առնում 1952 թվականից: Այն գեղեցկության ամենահեղինակավոր միջազգային ստուգատեսներից մեկն է «Միսս աշխարհի», «Միսս Երկրագնդի» և «Միսս International»-ի հետ միասին:
Մրցույթի սեփականատերերն են՝ ամերիկացի գործարար Դոնալդ Թրամփը և NBC Universal հեռուստաընկերությունը: Հաղթողն ստանում է թանկարժեք թագ և մեկ տարի Նյու Յորքում անվճար ապրելու իրավունք, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
