ՄԱԳԱՏԷ-ի գլխավոր տնօրենը վստահ է ատոմային էներգետիկայի ընդլայնման հեռանկարներին
Աշխարհ
Ատոմային էներգիայի միջազգային գործակալության գլխավոր տնօրեն Յուկիա Ամանոն համոզված է, որ գլոբալ մասշտաբով ատոմային էներգիայի օգտագործումը կընդլայնվի՝ չնայած 2011 թվականի գարնանը Ճապոնիայի «Ֆուկուսիմա-1» ատոմակայանի վթարին: Այս մասին, ինչպես տեղեկացնում է «Արմենպրես»-ը, նա հայտարարել է Սինգապուրում՝ զեկուցումով հանդես գալով ատոմի խաղաղ օգտագործման խնդիրների շուրջ:
«Ճապոնիայի ատոմակայանում տեղի ունեցած միջադեպից հետո, անշուշտ, աճի տեմպերը փոքր-ինչ դանդաղել են, որոշ երկրներ նույնիսկ դադարեցրել են աշխատանքը, սակայն, չեմ կասկածում, որ ատոմակայանների կառուցման ընդլայնման միտումը կպահպանվի»,- ասել է ՄԱԳԱՏԷ-ի ղեկավարը: Նրա խոսքով՝ ներկայումս «ակցենտի տեղաշարժ է դիտվում Ասիայի կողմը, որտեղ ատոմային էներգիայի դերն աճում է, մասնավորապես, Հնդկաստանում և Չինաստանում»: Այդ երկրներում, ճշտել է Ամանոն, պահպանվում է «էլեկտրականության մեծ պահանջակը»:
«Ատոմի խաղաղ օգտագործումը,- ասել է կազմակերպության ղեկավարը,- օգնում է ապահովելու էներգետիկական անվտանգությունը, բարելավում է տնտեսության իրադրությունը, թեև, «Ֆուկուսիմայի» վթարից հետո ԱԷԿ-ների կառուցումն ու շահագործումն ավելի թանկ են դարձել», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
